लंडनची आज्जी
एकदा मी व माझी पत्नी महात्मा फुले मंडईत भाजी आणायला गेलो होतो . एका कोपऱ्यावर एक चांगलीच वयस्कर आजी थोडेसेच भोपळे व आंबेहळद घेऊन बसली होती . भोपळा चांगला दिसला . सौ . ने विचारले , “ आजी भोपळा कसा दिला ?” “ पन्नास रुपयाला सगळा घ्या . थोडाच ऱ्हायलाय ” “ नको . पाव किलो द्या ” “ न्या की . दोन दिवस खाल .” “ आज्जी , खाणारी आम्ही दोघंच , नाही खपत जास्त ” “ अरेरे , दोघंच ? मुलं - बाळं न्हाईत वाटतं ” “ तसं नाही , ती असतात अमेरिकेला . इथे आम्ही दोघंच असतो ” “ अस्स व्हय ” आजी म्हणाल्या . त्यानंतर जे त्या बोलल्या त्याने आमची विकेटच उडाली . “ माजा नातू पण इंग्लंडला असतो .” ** नवरात्रात अष्टमीला भोपळ्याचे घारगे करायचे होते . मंडईत गेलो होतो . आमची पावले आजींच्या कोपऱ्याकडे वळली . अरेच्चा ! आजी नव्हत्या . कोपरा रिकामा होता . मनात शंकेची पाल चुकचुकली . जरा कचरतच शेजारच्या भाजीवाल्याला विचारले , “ का हो , इथं बसणाऱ्या आजी दिसत नाहीत ?” “ अहो , त्या गेल्यात नातवाकडे . त्यांचा नातू इंग्लंडला असतो , त्याच्याकडे .” फार मस्त वाटले . आपली ही आजी – नऊवारी नेसणारी , डोक